آذربایجانلی چالیشقانا عاییب دیر نقدی تانیماسین

آذربایجانلی چالیشقانا عاییب دیر نقدی تانیماسین - آذتورک

باي بک آذربايجان | آننا, ۱۰-ي زومار آی , ۱۱۰۰۶ اینجی ایل, چولا ۱۰:۳۹ | مقاله

بابک مرندلی بئی لری گرک بونو دوشونسونلر کی بیزیم میللتیمیز واقتیندا اؤز تصمیمینی توتوب و اؤزونه باشقان و لیدر سئچه جک و فورصت طلب و اینحیصار آختاران و غیر دموکراتیک شخصیت لری ، تاریخین زیبیل قابی سی نا تاپشیراجاق. او زامانا کیمین سیز نه قدر گوجوز وارسا ، چیغیر باغیر ائدین. بیر قوندارما لیدر ، بیر قوندارما بایراق و … چیخاردین. آما نه فایدا.

بابک مرندلی بئی اگر ایسته ییر گاموح دان دیفاع ائتسین ، گلسین و بیان اولونان اینتیقادلارا دوزگون جاوابلار یازسین ، یوخسا

گاموح و گاموح چیلار یئنه اؤز ایهانتلی و غیر دموکراتیک سؤزلری نی باشلاییب و بابک مرندلی شخصین آدیندا ، دورنا سایتینا* تنقید عنوانیندا ، گاموح دان اینتیقاد ائدن لره ، آغزیندان چیخانی دئدیلر.

بو شخص کی یازی سیندان بللی ایدی ، کور تعصصوب بیله سینی گیجه لدیب و ائیلیه بیلمه ییر دوز یولو تاپیب و اوندا آتدیم آتسین ، بیزیم یازدیغیمیز تنقیدلره جاواب وئرمه ییر کی هئچ ، یئنه ده اؤز پارتیالارینی تعریف ائده رک ، اونو آلا گؤیه چیخاردیر ، و اوتانماز اوتانماز ، اؤز وطنداشلارینا و اونلاردان اینتیقاد ائدن لره ، منطق دن اوزاق و قافا توققوشدوران آدلاندیریر.

البت بیزیم بئله بیر اینفیعالی رفتارا ، اونلارین طرفیندن اینتیظاریمیز وارایدی. یادیمیزدان چیخماییب بیلدیر ، گاموح چیلار تبریز شهرینده بیر باشقا چالیشقان وطنداشیمیزلا نه ته هر رفتار ائتمیشلر.

بو شخص اؤز یازیسیندا ائیله پورتولوب و ادب دن اوزاق یازی یازیب ، کی منی کوردلرین کور تعصصوب لارینین یادینا سالیر. کوردلرین بو کور تعصصوبلاری ، همیشه بیزیم گؤزوموزده اونلارین دوشونمه مزلیکلریندن و آنلامامازلیک لاریندان اولاردی. تاسسوفلا دئمه لی یم کی ائیله بیل بئله بیر یالنیش باخیش بیزیم گونئی آذربایجانین ایددیعالی چالیشقانلارینا دا سیرایت ائدیب و اونلاری دوزگون باخیش دان اوزاق ائدیر.

بابک مرندلی بئی اگر ایسته ییر گاموح دان دیفاع ائتسین ، گلسین و بیان اولونان اینتیقادلارا دوزگون جاوابلار یازسین ، یوخسا مونتقیدلری منطق دن اوزاق اعلام ائتمک ، یالنیز بو سؤزون سؤیلییه نی نین منطق دن اوزاق اولماسین گؤسته ریر. سیزین اگر سؤزوز وار ، بویورون بیز سؤروشذوغوموز سورغولارا جاواب وئرین. ندن سفسطه توخویورسوز؟

بو یازیچی دئییرلر گاموح بیر قوی تشکیلات دیر و اونون کیمین قوی تشکیلات یوخدور. بیز گرک بو پارتیانین دالیسیندا اولاق. بو سؤزلر گؤسته ریر کی
بو دوستوموز هله بیلمه ییب بیزیم سؤزوموز نه دیر؟

بیز ندن او اینتیقادی یازیلاری یازمیشیق؟

بو وطنداشیمیز بیلمه ییر کی بیزیم یازیلاریمیز قوی ، ضعیف اولمادا دئییل. بیز تشکیلات لارین توتدوقو توتالیتر و غیر دموکراتیک یوللاریندان گیلئی لی ییک. بیز دئییریک بو پارتیا هر نمنه نی اؤز آدینا یازماسین.

اؤزوندن بیر سیرا قوندارما شئی لر چیخارتماسین (بایراق و لیدر) چیخارتسادا یالنیز اؤزونه تکلیف بیلسین. داها گونئی آذربایجان میللتینه تکلیف ائتمه سین. اگر ائیله سه اونلارلا ، فاشیستی فارس حاکمیتی نین نه فرقی وار؟

سؤزو قیستالدیب و سؤزلریمین سونوندا بو دوستوموزا و باشقالاردان ایسته ییره م کی نقدین تعریفین بیلسینلر و اونلا اوز به اوز اولماق یولونودا اؤیرنسینلر. یوخسا بیر آذربایجانلی چالیشقانا عاییب دیر بیر نقدین قاباغیندا ، یالنیز نقد ائدن لری منطق دن اوزاق آدلاندیرسین.

گلجک بیزیم اولمالیدیر

آذتورک

* [1] www.durna.se/m…