یاشاسین آذربایجان - Long live Azerbaijan

آما تأسوف کي، بو فورومدا گونئي آذربايجان مسئله سي موزاکيره يه چيخاريلمادي. مگر گونئي آذربايجان تورک جغرافيياسيندان کناردير؟ ۳۵ ميليونلوق گونئي آذربايجان تورکونون گؤزو بو فوروما يؤنلميشدي. بير ميلتين بير ميللي بايراغي اولا بيلر. گله جکده گونئيده موستقيل دؤولت اولاجاقسا، مجبوروق بير بايراغيميز اولسون. آما بير ميللي بايراغيميز وار. آذربايجان بايراغي ۵۰ ميليونلوق آذربايجان تورک ميلتي نين جانيدير، واريدير، قانيدير، ناموسودور. بو بايراغا اَيري باخان يالنيز فارس رئژيمي، روس ايمپئريياسي و ائرمني داشناکي اولا بيلر”.

---

---

مارچ-ين ۹-اوندا باک-يدا کئچيريلن آذربايجان و تورک دياسپور تشکيلاتلاري نين ۱-اينجي فوروموندا باشليجا موزاکيره مؤوزوسو ائرمنيستان-ين آذربايجان تورپاقلاريني ايشغالي و ائرمني لوببيسي نين قوندارما “ائرمني سويقيريمي” آدي ايله دونيادا تورکييه علئيه اينه آپارديغي کامپانييايا قارشي عکس-تبليغات ايمکانلاري اولوب. لاکين، فورومون گئديشينده گونئي آذربايجان ميللي آزادليق هرکاتي، گونئيده سويداشلاريميزين قارشيلاشديغي چئشيدلي پروبلئملر ندنسه يادا سالينماييب.

فورومون ايشتيراکچيسي، ايسوئچ آذربايجان فدراسييونونون صدري محمد رضا آغاپور “تورکوستان قزئتي” نه آچيقلاماسيندا گونئيه اولان بو موناسيبتين دؤزولمز اولدوغونو سؤيله دي: “بيز ايسترديک کي، ۳۵ ميليونلوق آذربايجان تورکو ده بو فوروما داخيل اولسون. چوخ بؤيوک بير تدبيردي، دوغرودان شاد اولدوق. خياللاريميزدا ياشاتديغيميز گونلري گؤردوک. اؤنملي مسئله لر دارتيشيلدي. ايکي گوندور بونون تاثيريندن چيخا بيلمه ميشم. سادجه بير مسئله وار کي، سيخيلديم٫ بو دا گونئي آذربايجان مسئله سينه ديقتين آيريلماماسيدير.

من ايسوئچ-ده آذربايجان تورکو اولاراق قار، ياغيش آلتيندا کرکوک تورکلري نين، قيبريس تورکلري نين پروبلئملري ايله باغلي آکسييالاردا ايشتيراک ائتميشم. بو پروبلئملري آذربايجان تورکونون پروبلئمي بيلميشم. بونلار بيزيم بورجوموزدور. آما تأسوف کي، بو فورومدا گونئي آذربايجان مسئله سي موزاکيره يه چيخاريلمادي. مگر گونئي آذربايجان تورک جغرافيياسيندان کناردير؟ ۳۵ ميليونلوق گونئي آذربايجان تورکونون گؤزو بو فوروما يؤنلميشدي. دئميريک کي، فوروم گونئيين ايستيقلالي ايله باغلي بير سند قبول ائتسين. آما گونئي آذربايجاندا اينسان هوقوقلاري نين مودافيعه سي ايله باغلي بير قتنامه قبول ائتمک اولمازديمي؟ هانسيني کي، بو گون آمئريکا دؤولت قوروملاري، اروپا پارلامئنتي، دونيا هوقوق مودافيعه تشکيلاتلاري ائدير. گونئي آذربايجانلا باغلي بير قرارين وئريلمه سيني تکليف ائده جکديم. آما تأسوف کي، سؤز آلا بيلمه ديم. بو گون ۵۰ ميليونلوق آذربايجان تورک ميلتي نين بوتون پروبلئملري ايله باغلي قرارلار آلينماليدير. بيز سؤزده يوخ، عملده بيرلشمه لييک”.

محمد رضا آغاپور يئري گلميشکن، سون زامانلار گونئي آذربايجانين بايراغي اطرافيندا گئدن موزاکيره لرله باغلي دا فيکريني سؤيله دي: “بوتون ميلتيميزه سسله نيرم. گونئي آذربايجان-دا ايکينجي بير بايراق اولماياجاق. گونئي آذربايجان-دا سيموول اولا بيلر. آما ۵۰ ميليونلوق آذربايجان-ين سادجه بير بايراغي وار، او دا محمد امين رسولزاده-نين قالديرديغي اوچرنگلي بايراق.

بير ميلتين بير ميللي بايراغي اولا بيلر. گله جکده گونئيده موستقيل دؤولت اولاجاقسا، مجبوروق بير بايراغيميز اولسون. آما بير ميللي بايراغيميز وار. آذربايجان بايراغي ۵۰ ميليونلوق آذربايجان تورک ميلتي نين جانيدير، واريدير، قانيدير، ناموسودور. بو بايراغا اَيري باخان يالنيز فارس رئژيمي، روس ايمپئريياسي و ائرمني داشناکي اولا بيلر”.

، بیر میللتین سسی
پرینت

---

بعضی عکسلر خبره باغلی اولمایا بیلیر. لطفا دیقتتلی اولون

گوروش ۱

1. 
   

   : hassan tamjidi سویلییر

   يئلگؤن ۲۶ بوز آی ۱۱۰۰۶ @ ۷:۲۵ آ.خ

   saq olasan

RSS بو یازینین گوروشلرینین یمی